மீசைக்காரியும் மீசைக்காரனும் !

முத்தமிடத் தொடங்குகையில்

மீசை முந்திக்கொண்டு விட்டது !

அதற்கும் உன்மேல் கொள்ளை

ஆசையடி !!

.

மீசையின் குறுகுறுப்பை

ரசிக்க தெரியாதவளுக்கு

முத்தம் கொடுத்து

என்ன பயன் ??!!

.

"தன்னைப்பாராமல் இதழிலேயே முத்தமிடுவதால்

குத்தி காயப்படுத்துகிறதுன் மீசை "சொன்னேன் நான்

"நீ இல்லாத போதும் உன் வாசனைக்காய்

உன்னை நுகர்ந்து வைத்துக்கொள்ள

சொன்னவனே நான் தான் " சொன்னான் அவன் !!

.

உன் கூந்தலை நுகரும்

போதெல்லாம் என்

மீசை வளரத்துடிப்பதை

எப்படி சொல்வேன்

உன்னிடம் !??